“ალიანსი საქართველოსთვის” ლიდერი ირაკლი ალასანია “დაიცავი საქართველოს” ლიდერის ლევან გაჩეჩილაძის კრიტრიკას ეხმაურება და აცხადებს, რომ  “ალიანსი” იმ გზით მიდის, რომელიც სწორად მიაჩნია, ამიტომ  ოპონენტების მოსაზრებებს მათთვის მნიშვნელობა არ აქვს.

ალასანიას თქმითვე, ლევან გაჩეჩილაძე იმ პოლიტიკოსთა რიცხვში ჩაეწერა ვინც საკუთარ წარუმატებლობას ყველას აბრალებს, საკუთარი თავის გარდა.

“მე მას მაინც ვუსურვებ დიდ წარმატებებს, მაგრამ მისი პოლიტიკური შეფასებები ჩემთვის აბსოლუტურად უმნიშვნელოა და როგორც ჩანს საზოგადოებისთვისაც”, _ განაცხადა ალასანიამ

შეგახსენებთ, რომ ლევან გაჩეჩილაძემ ირაკლი ალასანია მიხეილ “სააკაშვილის მოდელირებულ არჩევნებში” მონაწილეობისათვის გააკრიტიკა.